Rrahim Pacolli u shpreh ngushëllime familjarëve të viktimave nga aksidenti në Mramor

21:51 | 16 Nëntor 2018
Arbresh.info

Sekretari organizativ i Aleancës Kosova e Re, Rrahim Pacolli u ka shprehur ngushëllime familjarëve të tri viktimave të aksidentit fatal në fshatin Mramor.

Njëherësh ai u ka uruar shërim të shpejtë edhe të lënduarve, në mesin e të cilëve është edhe ambasadorja turke në Kosovë, Kivilcim Kiliç.

Shkrimi i tij i plotë:

Ngushëllimet më të sinqerta familjarëve të viktimave të aksidentit të sotëm në Mramor. Lutjet dhe mendimet e mia janë me ju. Kurse të lënduarve, në mesin e të cilëve është edhe ambasadorja turke Kivilcim Kiliç u uroj shërim sa më të shpejtë.RrP

Kujtojmë se sot rreth orës 17:00 në magjistralen Prishtinë-Gjilan tri vetura janë përfshirë në një aksident të rëndë, ku mbetën të vdekur dy persona në vendin e ngjarjes, kurse i treti humbi jetën në spital.

Në mesin e veturave të përfshira ishte edhe ajo e ambasadës turke në Kosovë, ku ishte edhe ambasadorja Kivilcim Kiliç e cila ka pësuar lëndime./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm